Генерална проба за вежба со 42-метарската скала на Пожарна предизвика паника кај скопјани

Генерална проба за вежба со новата 42-метарска скала на Противпожарната единица предизвика паника кај скопјани. Низ центарот на градот можеа да се слушнат сирени од полициски, противпожарни и возила на Итната медицинска помош.

Извори за Пресс24 велат дека станувало збор за генерална проба, со оглед на тоа што вежбата е закажана за утре.

Командантот на скопската Бригата, Владимир Симоновски во изјава за СДК.МК вели дека се вежба за презентација за јавноста.

-На почетокот на месецот скалата стигна од Будимпешта и вежбаме за презентација за јавност и медиуми што ќе ја имаме утре, вели Симоновски за СДК.МК.

Скалата ја купи Град Скопје за 1,7 милиони евра. Опозициската ВМРО-ДПМНЕ во изминатиот период обвинуваше дека Загреб купил истата таква скала, но за пониска цена.

Back to top button
Close