Генералот Картер предупредува дека на Авганистан му се заканува граѓанска војна

Началникот на Генералштабот на британската армија, генерал Николас Картер денеска предупреди на можноста од граѓанска војна во Авганистан.

Изјавата доаѓа во време кога американските и другите странски трупи се повлекуваат од Авганистан.

Откако беше објавено дека повеќето британски војници го напуштиле Авганистан, Картер изјави дека земјата веројатно може да доживее колапс без присуство на странски трупи.

Авганистан би можел да се најде во граѓанска војна во каква што беше во 1990-тите години на минатиот век, кога постоеше „култура на воени лидери, а некои важни институции, како што се безбедносните сили, може да се распарчат по етнички или дури племенски линии“, рече тој.

– Ако тоа се случи, претпоставувам дека талибанците ќе контролираат дел од земјата. Но, се разбира, тие нема да ја контролираат целата земја, додаде Картер.