Германија ја забрани ултрадесничарската група Кралство Германија

Германскиот министер за внатрешни работи Александар Добриндт ја забрани ултрадесничарската група Кралство Германија, која е поврзана со движењето Граѓани на Рајхот.

Групата Кралство Германија има околу 6.000 следбеници и е обвинета за воспоставување така наречена „контрадржава“ во земјата и за создавање криминални економски структури.

Германската полиција утрово спроведе операции против имотите на клучните членови на групата во седум германски покраини, вклучително Баден-Виртемберг, Долна Саксонија, Северна Рајна-Вестфалија, Рајнска област-Пфалц, Саксонија, Саксонија-Анхалт и Тирингија.

Добриндт истакна дека членовите на групата користат антисемитски теории на заговор за да ги поткрепат своите тврдења за сопствен суверенитет, додавајќи дека таквото однесување не може да се толерира во земја каде што има владеење на правото