Германската полиција затвори сајтови за детска порнографија со 21.000 видеа

Германските истражители затворија два сајта на Darknet кои хостирале повеќе од 21.000 видеа со детска порнографија и сексуална злоупотреба на деца, соопштија денеска баварските обвинители.

Сајтовите имале вкупно над 350.000 регистрирани корисници, од кои повеќето ги клиповите ги гледале бесплатно, пренесе ДПА.

Сепак, некои корисници плаќале 0,001 Биткоин (моментално околу 113 долари) за месечна претплата што им овозможувало пристап до целата содржина, соопштија истражителите во заедничката изјава.

На фајловите било кликнато околу 900.000 пати вкупно пред платформите да бидат запленети во септември, се вели во соопштението.

Истражителите можеле да дејствуваат откако откриле дека веб-страниците се управувани од центри за податоци во Германија.

Анализата на запленетите сервери на крајот ги доведе до 38-годишен маж кој живеел во Бразил.

Бразилската полиција го уапсила мажот во јужниот град Фоз до Игуачу во септември, се вели во изјавата. Тој се соочува со повеќегодишна затворска казна доколку биде осуден.

Германските истражители оттогаш се насочија кон идентификување на корисниците и претплатниците на платформите.