Голема акција во Аеродром: На терен специјалци, се апсат членови на групата на Штекли

Моментално во скопската населба Аеродром има голема полициска акција, пишува 24info.mk

Според информациите, на повеќе локации се специјалци кои спроведуваат акција во која се апсат членови од групата на Раде Трајковски, попознат како Штекли, кој исто така е уапсен попладнево.

Штекли е уапсен поради сомничење за трговија на дрога, односно предводел група од над десетина члена кои се занимавале со продажба на наркотични средства. Штекли на јавноста и е познат по пресметките со нарко картелите.

Тој се поврзува со низа кривични дела, во август и во октомври 2023 година избегна два обиди за убиство на иста локација – во Ист Гејт Мол во Скопје.