“Госпоѓица Лисер” од Климт пронајдена по 100 години

Слика на австрискиот уметник Густав Климт, која била исчезната скоро цел век, е пронајдена во Виена.

Портретот на Госпоѓа Лисер кој некогаш бил во сопственост на еврејско семејство од Австрија последен пат бил виден во јавноста во 1925 година. Судбина на сликата потоа е нејасна, но семејството на сегашните сопственици ја поседувало од 1960-тите.

Аукциската куќа Кински ја проценува на повеќе од 54 милиони долари (42 милиони фунти).

“Слика со толкава реткост, уметничко значење и вредност не била достапна на уметничкиот пазар во Централна Европа со децении“ стои во соопштението на Кински.

Портретот ќе биде изложен на аукција на 24 април во име на сопствениците и правните наследници на семејството Лисер – на основа на принципите на Вашингтон, меѓународен договор за враќање на уметничките дека украдени од нацистите на потомците на луѓето од кои биле украдени.

Пред аукцијата, сликата ќе биде изложена во Велика Британија, Швајцарија, Германија и Хонг Конг, соопшти аукциската куќа. Портретот некогаш му припаѓал на семејството Лисер, кои биле богати индустријалци во Виена.