Грчката крајбрежна стража пронајде брод со 18 загинати мигранти кај Крит

Грчката крајбрежна стража пронајде брод со 18 загинати мигранти покрај бреговите на Крит, објави во саботата грчката јавна телевизија ERTnews.

Двајца преживеани им кажале на спасувачите дека ја изгубиле контролата врз бродот за време на бура, по што останале на отворено море без вода и храна.

Сè уште не е познато од каде доаѓаат мигрантите, а форензичарите и истражителите се обидуваат да утврдат што точно се случило на бродот.

Криумчарските банди повторно испраќаат мигранти на опасни рути од Тобрук во Либија кон Крит. До почетокот на декември оваа година, речиси 17.000 мигранти пристигнале на овој грчки остров, според Агенцијата за бегалци на ОН (УНХЦР).

Извор: trn.mk