Грција ќе ѝ испрати 20 000 дози вакцини против ковид-19 на Македонија
– Грција, во координација со Европската Комисија, како што прават повеќето европски земји за нивните директни соседи, ќе им понуди вакцини на соседните земји, 20 000 дози за Северна Македонија и 20 000 дози за Албанија, рече Пелони.
Во однос на тоа кога би можеле да пристигнат вакцините, портпаролката на грчката Влада објасни дека постои одредена процедура на техничко ниво во координација со Европската Комисија.
Грчкиот премиер Кирјакос Мицотакис пред десетина дена од Брисел изјави дека Грција ја разгледува можноста билатерално да ги поддржи соседните земји со вакцини, а министерот за здравство Венко Филипче во понеделникот откри дека Северна Македонија очекува 70 000 дози од вакцините, од кои 50 000 од Бугарија и 20 000 од Грција.
