Груби: Претседателот во иднина да се бира во Собранието – ова е условот за да се добијат гласовите на ДУИ во вториот круг

Прашан на кого ДУИ ќе ги даде гласовите во вториот круг од претседателските избори, ако нивниот кандидат Бујар Османи отпадне во првиот, Артан Груби вели дека услов за тоа е претседателот на државата во иднина да се избира во Собранието.

Во интервју на ТВ Сител, Груби беше прашан и за евентуалните коалициски комбинаторики по завршувањето на парламентарните избори.

На прашањето дали во моментов ДУИ е поблиску до коалиција со ВРМО-ДПМНЕ или со СДСМ, тој избегна конкретно да одговори велејќи – од денешен аспект најблиску сме до коалиција со народот.

„Ние имаме многу јасен став и тоа го кажа и г. Ахмети, а тоа е и во нашата програма, бараме претседател да се бира во Собранието со двотретинско мнозинство плус бадентерово мнозинство што би обезбедило и општествен консензус што би можел да биде злоупотребен од СДСМ и ВМРО-ДПМНЕ заедно кои можат да ги надгласаат другите заедници затоа што заедно имаат 80 пратеници. Затоа, за да се обезбеди волјата и на другите заедници, наметнуваме решение со бадентерово мнозинство. Тоа е условот за коалицирање во вториот круг ако Османи не влезе во вториот круг“рече Груби.

Артан Груби рече дека ДУИ, заедно со Европскиот фронт, на претстојните парламентарни избори цели на освојување 20 пратенички места