Груби: Рамислуваме да бараме гласање на уставните измени пред да се формира идната влада

Во ДУИ се размислува по изборите да се бара прво да се гласаат уставните измени за внесување на Бугарите во Преамбулата, а потоа да се оди на формирање влада – вели вицепремиерот Артан Груби во интервју за „360 степени“ на МРТ 1, прашан за тоа на каков начин му пристапуваат на прашањето за уставните измени и формирањето идна влада.

„Разговараме во моментов дека слично како и во 2011 година, не знам дали се сеќавате, кога некои тешки одлуки се донесоа откако се конституираше Собранието, а пред да се формира владата, како што беше автентичното толкување на законот за амнестија и законот за јазици, истото да се повтори и по овие избори – пред да се формира која било влада, да се изгласаат уставните измени“, рече Груби.