Гвардиола: Некој од Ливерпул ќе биде најдобриот играч во Премиер лигата, оваа награда секогаш оди кај нив

Тренерот на Манчестер сити, Јосеп Гвардиола го сподели своето мислење за наградата за најдобар играч на шампионатот во Англија 2019/20 година.

– Наградата за најдобар играч на сезоната во Премиер лигата ќе му биде доделена на играч на Ливерпул. Кога го освоивме првенството, фудбалер на Ливерпул беше прогласен за најдобар играч. Сега „црвените“ станаа шампиони, и сигурен сум дека некој од оваа екипа ќе биде најдобриот во сезоната. Оваа награда секогаш му се доделува на Ливерпул, изјави Гвардиола за Би-би-си.

Во изминатите две сезони, Манчестер сити го освои англискиот шампионат, но и покрај ова, играчот на Ливерпул двапати ја има освоено наградата „Играч на сезоната“. Во сезоната 2017/18 година, за најдобар беше прогласен напаѓачот Мохамед Салах, кој постави рекорд за сезоната во Премиер лигата, а во сезоната 2018/19 година – Вирџил ван Дајк, додаде Гвардиола.