„Хаос со образовните асистенти во Аеродром: децата ги враќаат од училиште, родителите оставени на цедило“, велат од Левица

„Родителите ги поминале сите процедури, обезбедиле наоди од МКФ комисии и ја доставиле потребната документација, но кога почна учебната година, добиле одговор: ‘Нема образовен асистент за вашето дете’.

Додека МОН, Општина Аеродром и ОУРЦ ‘Д-р Златан Сремец’ си ја префрлаат одговорноста за квотите, огласите и процедурите, децата се враќаат од училиште, а родителите се принудени да земаат неплатени денови, боледувања поради пропустот на институциите“, велат од Левица.

Од партијата бараат МОН, Општина Аеродром и ОУРЦ „Д-р Златан Сремец“ веднаш да обезбедат образовни асистенти за сите деца кои чекаат и да престанат со префрлање на одговорноста.

Левица ги повикува и родителите од Аеродром кои се соочуваат со истиот проблем да ги споделат своите искуства и додаваат дека партијата ќе продолжи да бара одговори и одговорност