Хутите се закануваат дека ќе нападнат американски бродови ако Вашингтон се вклучи во израелските напади врз Иран

Јеменските Хути ќе нападнат американски бродови во Црвеното Море ако Вашингтон се вклучи во израелските напади врз Иран, изјави денеска воениот портпарол на Хутите.

САД и Хутите договорија прекин на огнот на почетокот на мај, по американското бомбардирање на позициите на таа група во Јемен.

Американската војска на 15 март почна голема офанзива против Хутите поврзани со Иран и го предупреди Техеран веднаш да ја прекине поддршката за групата, која САД ја означи како терористичка.