И покрај апелите, распалени коледарските огнови,на некои и благослов од свештеници
Наспроти апелите на црквата и дел од еколошките здруженија граѓаните да се воздржат од палење огнови на отворено, дел од скопските маала, според најавите, вечерва ќе ѝ останат верни на долгогодишната традиција.
Оваа традиција е стара и граѓаните не се откажуваат од неа иако Скопје деновиве е меѓу најзагадените градови во светот.
Апел да се бојкотира оваа прослава денеска испрати и ВМРО-Народна паријата.
-Граѓаните на Скопје треба да знаат дека палењето на огнови во Македонија е донесено и наметнато за време на српската окупација.
Никогаш во македонската историска и христијанска традиција порано на ваков начин не се дочекувал Бадник, а и денеска најголем број од градовите низ Северна Македонија немаат таква традиција што значи се спротиставуваат на ваквите пагански елементи во рамките на нашето свето и православно христијанство, велат од партијата.
