ИДФ нападнал над 250 терористички цели во Газа во последните 48 часа
– Израелските одбранбени сили (ИДФ) соошштија дека во последните 48 часа нападнале повеќе од 250 терористички цели во Појасот Газа.
Меѓу нападнатите цели биле оперативци, складишта за оружје, позиции за лансирање противтенковски ракети, тунели и друга терористичка инфраструктура, соопшти ИДФ, објави „Тајмс оф Израел“.
Министерството за здравство контролирано од Хамас, наведува дека во последните два дена загинале најмалку 143 Палестинци.
Израелската војска соопшти дека пет дивизии на ИДФ, составени од десетици илјади војници, сè уште дејствуваат низ Газа.
За време на операциите во населбите Шеџаија и Зејтун, во Газа, израелската војска пронајде набљудувачки пунктови на Хамас и Палестинскиот исламски џихад, како и магацини со експлозивни направи, соопшти ИДФ.
