Илјадници Белоруси повторно протестираа против Лукашенко, повеќе од 180 се уапсени

Илјадници Белоруси денеска повторно ги организираа веќе традиционалните неделни демонстрации низ целата земја против долгогодишниот авторитарен претседател Александар Лукашенко, барајќи ја неговата оставка.

Групата за заштита на човековите права „Весна“ соопшти дека полицијата денеска уапсила повеќе од 180 демонстранти во Минск и другите градови и дека некои од учесниците на протестот биле претепани, пренесуваат американските медиуми.

И покрај снегот, големи групи демонстранти се собраа во неколку делови на Минск, блокирајќи го улиците во некои делови од градот

Демонстрантите носеа транспаренти на кои, меѓу другото, пишуваше „Сосед за сосед против диктатурата“ и извикуваа „Оди си стаорцу“, алудирајќи на Лукашенко, кој со Белорусија владее со цврста рака цели 26 години.

Полицијата денеска повторно фрли солзавец и шок-бомби за да ги растера насобраните, а некои ги бракаше до дворовите од зградите и ги тепаше со палки, наведе „Весна“.

Во пресрет на протестот, полицијата во центарот на Минск распореди водени топови, оклопни возила и комбиња.