Илјадници на протести во Сиднеј поради рестриктивните мерки, реагираше полицијата

Илјадници луѓе се собраа денеска во Сиднеј и другите австралиски градови во знак на протест против рестриктивните мерки воведени поради зголемиот број новозаразени.

Полицијата уапси неколку лица откако демонстрантите ги пробија бариерите и фрлаа пластични шишиња и други предмети кон полицијата.

Во Сиднеј демонстрантите, без маски на лицата, прошетаа од паркот „Викторија“ до градското собрание во центарот, носејќи пароли на кои пишуваше „Слобода“ и „Вистина“.

Забележливо е големото присуство на полицијата и припадниците на специјалните единици, бидејќи надлежните велат дека станува збор за незаконски протестни активности.

Полицијата на Нов Јужен Велс соопшти дека го признава и поддржува правото на слобода на говор и мирно собирање, но дека протестот претставува кршење на одредбите за јавно здравје.

Во последните 24 часа, во оваа земја се регистрирани 163 нови случаи на коронавирус.

Нови рестриктивни мерки се воведени на пошироката територија на Сиднеј и траат веќе четири недели.

Протести имаше и во Мелбурн, каде илјадници демонстранти извикуваа „слобода“.

Во Аделаида се одржа автомобилски протест, а полицијата предупреди дека ќе апси за недозволени активности. паг/

The Sydney anti-lockdown protest is a superspreader event in the making. If the sheer number of people wasn’t enough, everyone is also screaming at the top of their lungs (without masks) and potentially spreading droplets all over the damn place pic.twitter.com/WI2R5Ql4kE

— Zac Crellin (@zacrellin) July 24, 2021

Back to top button
Close