Иран заплени два танкери за нафта во Персискиот Залив
Иран денеска заплени два странски танкери за нафта во Персискиот Залив, објави државната телевизија, тврдејќи дека бродовите шверцувале гориво.
Во извештајот не е наведено чии танкери биле и под чие знаме пловеле.
Регионалниот командант на морнарицата на иранската Револуционерна гарда, Хејдар Хонаријан Моџарад, изјави дека танкерите превезувале околу еден милион литри гориво (околу 6.300 барели), вклучувајќи дизел, и биле запленети во близина на островот Фарси и однесени во Бушер.
Тој изјави дека петнаесет членови на екипажот на двата танкери се во притвор, без да ги наведе нивните националности.
Иран повремено запленува танкери за нафта во регионот под слични обвиненија.
Во декември, Иран заплени странски танкер додека минуваше низ стратешки важниот Ормутски теснец и притвора 16 членови на екипажот, а претходниот месец заплени уште еден во истата зона.
