Иранската револуционерна гарда се закани со напади врз американски технолошки гиганти

Иранскиот Корпус на Исламската револуционерна гарда (ИРГК) најави дека од утре ќе започне со напади врз претставништвата на американските компании во регионот како одговор на воените дејствија против Иран.

Заканата е насочена кон 18 големи корпорации вклучени во списокот на ИРГК, меѓу кои се „Мајкрософт“, „Гугл“, „Епл“, „IBM“, „Тесла“ и „Боинг“. Во соопштението се наведува дека овие компании треба да очекуваат уништување на нивните претставништва како одговор на секој „терористички акт“ насочен против Иран.

Според најавата на Гардата, нападите е планирано да започнат утре, 1 април, во вечерните часови по локално време. Овој потег дополнително ги зголемува тензиите во регионалниот конфликт кој веќе влегува во својот втор месец.