Истражување на „Галуп интернешнал“: Во Србија најпопуларен светски лидер е Владимир Путин

Глобалната поддршка за светските лидери се намалува, според анкетата на „Галуп Интернешнл“ спроведена во 57 земји и територии, вклучувајќи ја и Србија, каде што најпопуларен светски лидер е рускиот претседател Владимир Путин (+37 отсто – пресметано како: Позитивно мислење 67 проценти, Негативно мислење 29 проценти, Нет скор: +37).

Во Србија, по Путин, Шји Џјинпинг има најголема поддршка – 22 проценти, по што следува Моди со шест проценти.

Неповолен рејтинг имаат Нетанјаху -50 проценти, Трамп -44 проценти (Позитивно 26 отсто, Негативно 70 отсто, Нет скор -44). Потоа папата -19 проценти. Папата има помал рејтинг само во Ирак (-24 проценти) и Турција (-31 процент).

Во Србија, резултатите се базираат на примерок од 1.020 испитаници, користејќи го методот лице в лице, спроведен во ноември 2025 година.

Истражувањето го спроведе TMG Insights, членка на Галуп интернешнал.

Според анкетата, европскиот просек ги рангира светските лидери на следниов начин: папата +29 проценти, Моди -15 проценти, Шји -35 проценти, Трамп -42 проценти, Нетанјаху -48 проценти, Путин -58 проценти.

Папата Лав XIV е единствениот со позитивен резултат на светско ниво со „плус“ 24 проценти, што ја одржува доминацијата на позитивното над негативното мислење, но е помал од оној на претходниот папа Франциск (+28 проценти од 2019 година).

Другите лидери имаат негативни оценки: израелскиот премиер Бенјамин Нетанјаху -42 проценти, рускиот претседател Владимир Путин -41 процент, американскиот претседател Доналд Трамп -31 процент, кинескиот претседател -23 проценти и индискиот премиер Нарендра Моди -12 проценти.

Доналд Трамп има најголема поддршка во Азербејџан (40 проценти), Кенија (34 проценти), Грузија (33 проценти), Сирија (31 процент), Косово (27 проценти), а најниска поддршка во Иран (-88 проценти), Данска (-84), Шведска (-80), Норвешка (-79), Швајцарија (-78 проценти).

Владимир Путин има одобрување од 25 проценти, нето резултат од -41 процент, што е пад од -12 проценти што ги имаше пред војната во Украина. Негативно го гледаат лицата над 55 години, пензионерите, нерелигиозните лица и жителите на богатите земји.

Највисока поддршка има во Србија (37 проценти), Индија (30 проценти), Азербејџан (19 проценти), Пакистан (15 проценти), Малезија (12 проценти), а најниска во Украина (-98 проценти), Данска (-94), Шведска (-94), Норвешка (-90), Естонија (-88 проценти).