Ивановска-И овој пат во јавните претпријатија на град Скопје изборот на членови за УО и НО е направен од „тефтерчето“. Советниците гласаа без да знаат за каков кадар

Поранешната претседателка на ДКСК – Билјана Ивановска имаше свој коментар на вчерашниот избор на нови членови на управни и надзорни одбори во јавните претпријатија во Град Скопје. Таа на Фејсбук напиша дека повторно се случува „избор од тефтерчето“.

„Бидејќи праксата покажува дека членовите на УО и НО се исклучиво партиски…при промена на власта се создава лоша состојба на чистка по принципот – ИЛИ СИ ОД НАША ИЛИ НЕ“.

Никој не прашува за стручност професионалност и одговорност… Но колку да се знае и за вакви состојби. Законот предвидува „Доколку основачот ги разреши сите членови на УО, до именување на нови може да назначи ВД кои ГИ ИСПОЛНУВААТ ЗАКОНСКИТЕ УСЛОВИ со мандат од 3 месеци без можност за продолжување.

ПРАШАЊЕ: ОД КАДЕ ЈАВНОСТА ЌЕ ЗНАЕ ДАЛИ ГИ ИСПОЛНУВААТ УСЛОВИТЕ БЕЗ ТРАНСПАРЕНТНО ДА СЕ КАЖЕ КОЈ СЕ Е ПРЕДЛОЖЕН???“, се вели во објавата на Ивановска.