Изменет режим на сообраќај на патниот правец Охрид – Кичево

Полицијата ги известува граѓаните дека наредниве десет дена сообраќајот на магистралниот патен правец од Охрид кон Кичево ќе се одвива по изменет режим.

Според СВР- Охрид, во сила ќе бидат измени на сообраќајниот режим на автопатската делница во изградба од селото Требеништа до селото Мешеишта, општина Дебрца. На тој патен потег сообраќајот ќе се одвива наизменично по левата сообраќајна лента гледано во правец од Охрид кон Кичево.

Се упатува апел до возачите крајно внимателно и со прилагодена брзина да ги управуваат своите патнички и други моторни возила и во согласност со поставената хоризонтална и вертикална сообраќајна сигнализација.