Израелската армија пресретна ракета лансирана од Јемен кон Израел

Израелската армија утрово објави дека пресретнала ракета лансирана од Јемен кон Израел.

Британските медиуми наведуваат дека ИДФ веднаш алармирале за опасност од воздушен напад во неколку области од Израел, со активирање на сирените за предупредување за ракетен напад од Јемен.

Јеменските бунтовници Хути продолжуваат да лансираат ракети кон Израел, како што велат, во знак на солидарност со Палестинците во Појасот Газа, иако ги прекинаа нападите врз американските бродови.

Како одговор на овие провокации Израел започна напади врз Јемен, вклучувајќи го и нападот на 6 мај во кој беше оштетен главниот аеродром во Сана и притоа беа убиени неколку лица.