Израелската Влада одобри изградба на уште 19 еврејски населби во Западен Брег
Израелската Влада одобри изградба на 19 нови населби во Западен Брег, изјави денеска ултрадесничарскиот министер за финансии Безалел Смотрич.
Смотрич, кој и самиот е доселеник и поборник за анексија на Западен Брег, територија окупирана од 1967 година од страна на Израел.
Тој на платформата Икс објави дека за две години со планираните 19 населби, во Западен Брег ќе има 69 еврејски населби.
Одлуката за 19 нови населби е донесена на барање на Смотрич и министерот за одбрана Израел Кац. Според Смотрич со изградбата на нови населби се блокира формирање на терористичка палестинска држава.
Ќе продолжиме да ја развиваме, градиме и населуваме земјата на нашите предци, посочи Смотрич.
Во Западен Брег моментално живеат повеќе од 500.000 Израелци. Секоја израелска влада од 1967 година продолжува со населување, што значително се интензивира од октомври 2023 година кога почна војната во Појасот Газа.
