Извор од СДСМ: Утре собраниска седница ќе нема, Џафери не е во право

Претседателот на собранието Талат Џафери рече дека ако утре се реализира најавеното давање мандат од претседателот Пендаровски на лидерот на СДСМ Зоран Заев за состав на владино мнозинство тогаш според Џафери истовремено ќе го свикал собранието да избере и претседател на највисокиот законодавен дом.

Џафери во изјавата попладнево вели дека штом на Заев ќе му бил даден мандат за состав на владино мнозинство практично тоа значело дека тој го има и затоа претседателот Пендаровски ќе му го даде мандатот па според тоа веднаш потоа на пленарна седница која ќе ја свикал ќе требало новиот парламентарен состав да избере и претседател.

Висок извор во СДСМ за Либертас кусо искоментира – седница ќе нема, Џафери не е во право. Едно е доделување мандат за состав на владино мнозинство а друго е договор и избор на претседател на парламентот.