Извори на Хамас велат дека нивните лидери го преживеале израелскиот напад во Доха
– Два извори од Хамас за Ројтерс изјавиле дека функционерите на Хамас во тимот за преговори за прекин на огнот го преживеале нападот, јави Тајмс оф Израел.
Израелски функционери рекоа дека нападот бил насочен кон највисоки лидери на Хамас, вклучувајќи го и Халил ал-Хаја, претседателот на Хамас во егзил од Газа и главниот преговарач.
Официјален претставник на Хамас во Газа претходно изјави дека лидерите на палестинската група, кои биле цел на израелскиот удар во Доха, се собрале за да дискутираат за најновиот предлог за прекин на огнот.
– Во нов ционистички криминал, преговарачката делегација на Хамас беше таргетирана за време на својата средба во Доха, додека дискутираа за предлогот на претседателот Трамп за прекин на огнот во Појасот Газа, изјавил официјалниот претставник под услов за анонимност, бидејќи не бил овластен да зборува за прашањето.
