Касами го чека Меџити да формираaт „широк опозициски фронт

Претседателот на Беса Билал Касами најави широк опозициски блок со кој можно е да настапат со заедничка листа. Тој повтори дека веќе имаат најава за идна соработка со Алтернатива , а добри контакти, како што рече имаат и со поранешниот функционер од ДУИ Изет Меџити.

-Не само што сме отворени, туку продолжуваме интензивно да работиме со сите опозициски сили. Имаме добра комуникација со Изет Меџити и сметам дека во моментот кога ќе го формализира неговото движење ние ќе ја формализираме и соработката. Дозволете ми да упатам повик и до сите други структури, другите партии и поединци кои не се задоволни од другите партии, да се придружат на ова движење бидејќи дојде време кај Албанците да има ротација во власта и конечно Албанците да направат промена и да бидат достоинствено застапени во државните институции – рече Касами.