Катарскиот премиер и шефот на египетското разузнавање се сретнаа со Хамас во Доха

Катарскиот премиер Мохамед бин Абдулрахман Ал-Тани и шефот на египетското разузнавање Абас Камел се состанаа денеска со членови на Хамас во Доха на разговори за примирје во Газа.

Главните посредници се состанаа со палестинската милитантна група за да „разговараат за договор за примирје во Газа и размена на заложници и затвореници“, рече изворот кој сакаше да остане анонимен поради чувствителноста на разговорите.

Шефот на ЦИА Бил Барнс, исто така, се очекува во Катар да продолжи да работи со посредниците за да се постигне договор за прекин на непријателствата.

Брет Мекгурк, главниот советник на Бајден за Блискиот Исток, исто така беше испратен во Катар, според информативниот сајт Аксиос, кој цитираше извор од администрацијата.

Катар, со САД и Египет, е ангажиран во повеќемесечни преговори околу деталите за прекин на огнот во Газа.

Но, освен седумдневната пауза во непријателствата што започнаа во ноември, што доведе до ослободување на повеќе од 100 заложници, напорите за посредување не ги прекинаа борбите. з