Кои се лекарите кои ќе испитуваат дали од 2022 година наваму се правени непотребни операции?

Комисијата задолжена за изготвување прелиминарна анализа на кардиолошките и кардиоваскуларните интервенции во здравствените установи во државата одржа состанок и има задача да ги собере, анализира податоците со посебен акцент на периодот од 2022 до 2025 година во приватните и јавните здравствени установи.

Во комисијата се доктори од Клиниката за кардиохирургија, Клиниката за кардиологија, Клиниката за торакална и васкуларна хирургија, како и доктори од други болници и приватни клиники:

Д-Р ВАСИЛ ПАПЕСТИЕВ – КЛИНИКА ЗА КАРДИОХИРУРГИЈА,

Д-Р БИЛЈАНА ЗАФИРОВСКА,

Д-Р ИВАН ВАСИЛЕВ – КЛИНИКА ЗА КАРДИОЛОГИЈА,

Д-Р МИШЕЛ АНДОНОВ,

Д-Р ИЛИР ВЕЛА – КЛИНИКА ЗА ТОРАКАЛНА И ВАСКУЛАРНА ХИРУРГИЈА,

Д-Р НЕНСИ ЛОЗАНЧЕ – КЛИНИЧКА БОЛНИЦА БИТОЛА,

Д-Р ВАЛОН АСАНИ – КЛИНИЧКА БОЛНИЦА ТЕТОВО,

Д-Р НИКОЛА ХРИСТОВ – КЛИНИКА „ЖАН МИТРЕВ“, Д-Р ЖАРКО ХРИСТОВСКИ – „АЏИБАДЕМ СИСТИНА“,

Д-Р АНА МИТЕВСКА И Д-Р ЖАКЛИНА КРСТЕВСКА – ФЗОМ,

Д-Р АЛЕКСАНДАР МИТОВ, СТОЈАНЧО СТОЈКОВСКИ, БАХАР ЉАМА И СТЕФАНКА ПЕТКОВСКА – ОД МЗ.

Потребата за формирањето на ваква стручна комисија дојде по наводите на кардиологот Сашко Кедев кој изјави дека има докази дека приватни установи извршиле скапи интервенции, а не требало да бидат направени.