„Комерсант“: Русија е при крај со инсулин и други важни медицински материјали произведени во странство
Русија е при крај со инсулин и други важни медицински материјали произведени во странство, објави денеса дневниот весник Комерсант, вклучително и суровини клучни за производство на лекови дома. Загриженоста доаѓа откако бранот западни санкции поради конфликтот во Украина почна да ја погодува руската економија и десетици големи западни брендови најавија заминување од пазарот.
Федералниот медицински регулатор Роздравнадзор и националното здружение на аптеки го припишуваат недостигот на инсулин на „итната побарувачка на потрошувачите“, објави Комерсант.
Весникот, забележа дека повеќето лекови за дијабетес што се користат во Русија, исто така, се произведуваат во земјата и немало прекини во синџирите на производство и дистрибуција.
Неколку пациенти интервјуирани од Комерсант рекоа дека има голема побарувачка за инсулин бидејќи другите медицински помагала што ги користат дијабетичарите се произведуваат во странство и тие очекуваат општо покачување на цените или недостаток предизвикан од санкциите.
Западните санкции против воениот упад на Русија во Украина досÐ �га беа фокусирани на руските банки и нафтата и гасот, без да го таргетираат медицинскиот сектор.
Сепак, наведе Комерсант, руските компании би можеле да останат без увезени суровини и компоненти.
Тој објави дека испораките од Европа се запрени, а испораките од Кина и Индија — кои сочинуваат до 80 отсто од увозот — се попречени во прекините на синџирот на снабдување.
Локалните залихи се очекува да траат три до шест месеци,се наведува во тесктот.
Москва работи на намалување на зависноста од Западот, политика напредната по санкциите на ЕУ и САД по руската анексија на полуостровот Крим во 2014 година.
Сепак, локалното производство на лекови сè уште во голема мера зависи од увезените суровини.
