Костовски: Треба да работите за граѓаните, а не паметот да ви биде во тоалет

Пратеникот на СДСМ, Мартин Костовски по говорот на пратеничката од ВМРО-ДПМНЕ, Дафина Стојановска, испрати порака преку неговиот профил на Фејсбук.

Стојановска кажа дека за време на ковид-19 во Собрание нема тоалетна хартија и сапун, а на тоа реагираше Костовски.

„Во немање аргументи Вмро-Дпмне се жали на говорница дека немало доволно тоалетна хартија во Собранието

Колеги треба да работите за граѓаните во Собранието, а не во тоалет да ви биде паметот.

Грижа за граѓани или грижа за тоалет, сега е јасно“, напиша Костовски.