Ковачевски на средба со украинската амбасадорка во земјава: Воената агресија на Русија е закана за мирот во Европа и светот
Претседателот на Владата на Република Северна Македонија Димитар Ковачевски днеска ја прими амбасадорката на Република Украина Наталија Задорожњук.
Амабасадорката Задорожњук на средбата ја изрази благодарноста на Владата на Украина за јасната и решителна позиција и поддршка на Владата на Северна Македонија за нејзината земја, и како особено значајно го оцени приклучувањето на Северна Македонија кон санкциите на ЕУ кон Русија, соопшти владината прес-служба.
Премиерот Димитар Ковачевски во разговорот истакна дека Република Северна Македонија го осудува чинот на отворена воена агресија од страна на Русија врз Украина, и нагласи дека постапката на Руската Федерација со директен напад врз територијалниот интегритет и суверенитет на Украина е флагрантно кршење на меѓународното право.
