Ковачевски: Се уште се прават калкулации за цената на струјата, можно е намалување за малите потрошувачи
За да го нема тој ценовен шок, како и досега, вели Ковачевски, државата има определено финансиски средства во буџетот, како за 2022 така и за 2023 година.
Додаде дека на крај кога ќе бидат финалните калкулации за производството на електрична енергија, движењето на цените на суровините коешто се прави на месечно ниво, тогаш ќе може да се каже и колку ќе биде финалната субвенција на државата која што ќе ја даде на ЕСМ со цел да овозможи пониска цена на електрична енергија за граѓаните.
Инаку од она што го имаме досега во 2022 година, Северна Македонија е држава којашто најдобро ја помина енергетската криза, односно најуспешно се справи од сите земји во регионот, со оглед на финансиските издатоци од буџетот и со оглед на непрекинато снабдување со електрична енергија за граѓаните и недозволување да има ценовен шок за цената на електрична енергија на регулираниот пазар. Тоа е планот и за идната година, истакна премиерот.
Информираше дека ЕСМ оваа година го зголеми производството за 22 проценти, за идната година исто така се планира зголемување на производството на ЕСМ со цел да можат да бидат остварени овие претпоставки коишто сега ги наведов.