Ковачевски: Следува финансиска помош од 6.000 денари за 283.000 наши сограѓани, ќе ја раздвижиме и економијата со инјекција од 27,6 милиони евра директно во стопанството

Концептот парите назад кај граѓаните го реализираме и во време на пандемија и светска економска криза. Следува финансиска помош од 6.000 денари за 283.000 наши сограѓани со што ќе ја зајакнеме нивната куповна моќ, но и ќе ја раздвижиме економијата со инјекција од 27,6 милиони евра директно во стопанството, изјави денеска во Штип, заменик – министерот за финансии Димитар Ковачевски.

-Со оваа мерка правиме значаен исчекор во реализацијата на четвртиот пакет во вредност од 470 милиони евра. Со сите четири пакети антикризни мерки, кај граѓаните, во стопанството обезбедивме поддршка од над една милијарда евра. Со тие средства спасивме стотици илјади работни места и обезбедивме помош за десетици илјади компании, рече заменик – министерот Ковачевски.

Според него, ова значи патриотизам, одговорност пред сопствените граѓани.
-Така и ќе продолжиме, а така треба да продолжи и Штип, рече Ковачевски, кој му даде поддршка на сопратиецот од СДСМ, Сашко Николов, кандидат за градоначалник на Штип на изборите закажани за 13 декември.

Back to top button
Close