Крихбаум: Црна Гора е речиси подготвена за членство во ЕУ, не треба да се врзува за планот на Мерц

Црна Гора е речиси подготвена за членство во ЕУ и не треба да се врзува за планот на германскиот канцелар Фридрих Мерц за доделување статус на набљудувач на земјите-кандидатки, изјави денеска во Подгорица државниот министер за Европа во Министерството за надворешни работи на Германија, Гинтер Крихбаум.
На заедничка прес-конференција со министрите за европски прашања на Црна Гора и Франција, Маида Горчевиќ и Бенжамен Адад, во Подгорица, Крихбаум рече дека Црна Гора е лидер во процесот на европска интеграција во споредба со сите други земји од Западен Балкан и дека, со нивото на волја, последните услови за членство би можеле да бидат исполнети до крајот на оваа година.
„Не ја врзувајте Црна Гора за содржината на ова писмо бидејќи Црна Гора е речиси подготвена за членство. Мислам дека преостанатата работа може да се заврши до крајот на годината“, рече Крихбаум.

„Ќе зависи од државата, но ќе зависи и од сите оние кои се занимаваат со политика тука, бидејќи ова не се само работи на Владата, туку и опозицијата има одговорност“, рече Крихбаум.