Криминал во српскиот Геодетски завод: Обвинителството осомничило 16 луѓе за штети од 100 милиони динари

Специјалното одделение за борба против корупција при Вишото јавно обвинителство во Белград поднесе обвинение против 16 луѓе поради постоење на основано сомнение дека со извршување на разни кривични дела во периодот од 1 октомври 2020 година до 31 март 2024 година, тие го оштетиле Републичкиот геодетски завод (РГЗ) за речиси 100 милиони динари, стекнале противправна имотна корист за себе и за други, која потоа ја уфрлиле во легални текови на средства.

Во обвинението се опфатени меѓу другите и тогашниот началник на Одделот за финансии и сметководство во РГЗ Славољуб И, како и тогашниот началник на Одделот за јавни набавки Преграг Д, кој е недостапен за судските органи. Обвинението ги товари за кривично дело Злоупотреба на службена положба.

Дел од осомничените се обвинети за издавање лажни фактури и подигнување пари од сметката преку симулирани трансакции, како и за задржување на парите, знаејќи дека имотот потекнува од криминална активност.