Крстевски: Доста е со партизацијата во образованието!

Градоначалникот на Кочани Венко Крстевски му одговори на барањето на МОН за формирање паралелки со помал број на ученици и испрати допис до општинската администрација. со кој бара наставниците да продолжат со работа.

Крстевски преку ФБ одговори на барањата на МОН

🚨 Доста е со партизацијата во образованието!

📌 Во подрачните училишта во Кочани имаме паралелки со по неколку деца, често и мешани паралелки:

• с. Бели: 10 деца во 2 паралелки
• с. Нивичани: 5 деца во 2 паралелки
• с. Тркање: 28 деца во 2 паралелки
• с. Грдовци: 17 деца во 2 паралелки
• с. Прибичево: 4 деца во 1 паралелка
• ОУ „Раде Кратовче“: 27 деца во 3 паралелки (само прво одделение)

👩‍🏫 Во „Раде Кратовче“ јасно е дека постојат услови за само една паралелка во прво одделение. Наместо тоа, 27 деца се поделени во три одделенија. Со ваквата поделба на децата им се ускратува правото на школско другарче повеќе, на здрава социјализација и на натпреварувачка атмосфера во училницата.

🚸 Во подрачните училишта ситуацијата е уште полоша: Наставата е нефункционална, децата се лишени од нормално образование, а системот се држи во живот само заради партиски вработувања.

💰 Општина Кочани плаќа речиси 1 милион евра годишно само за плати, средства кои завршуваат на непотребни места наместо во квалитетни наставни програми, подобра и инфраструктура.

🚌 Ученичкиот превоз не е никаква новост. Тој е стандард во многу поголеми општини и држави и донесува големи економии. Наместо трошење на паралелки со 4 или 5 деца, учениците треба да имаат услови за квалитетна настава во централните училишта, со повеќе другарчиња и социјализација.

⚠️ Главниот мотив за сегашната состојба е јасен: партиско вработување. Најголемиот губитник се децата, кои добиваат неквалитетно образование и помалку можности за развој.

✅ Кочани мора да стави крај на оваа пракса. Време е за рационализација.

И на крај прашање:

До родителите и идните родители, дали сакате вашите деца да минат низ мешани паралелки или со само неколку школски другарчиња?

1. Пишете ми во коментар 👇