Кубанскиот Парламент изгласа сет закони за поголеми права за граѓаните

Кубанскиот Парламент вчера  одобри серија закони за проширување на граѓанските права, во време кога комунистичката земја е на удар на критиките за задушување на протестите на почетокот на оваа година.

Уставот од 2019 година, што повикува на реформи за модернизирање на кубанското судство и казнениот законик, е извор на промените.

Споменатите измени, меѓутоа, се занимаваат со дупките во законот идентификувани од активистите, наведувајќи дека властите се фалеле со одредени правни постапки што следеле по невидените протести во јули.

Кубанските пратеници и судии сметаат дека новите закони ја зголемуваат заштитата на обвинетите за сторени кривични дела, како и дека треба да ја подобрат транспарентноста.

Активистите, на пример, бараат обвинетите да бидат информирани за можните обвиненија против нив, а приведените да добијат право на адвокат во рок од 24 часа.

Новиот закон, исто така, им овозможува на граѓаните пристап до судските списи и документи поврзани со нивните случаи.

Кубанскиот адвокат и правен аналитичар Елој Виера, кој живее во Канада, нагласи дека законите се голем чекор напред во консолидирање на правата на граѓаните и нивните права на суд.

-Овој закон нуди повеќе гаранции и е повеќе во согласност со меѓународните стандарди отколку сегашните регулативи, рече Виера.

Начинот на кој се спроведуваат овие закони ќе одреди дали Кубанците ќе доживеат значителни промени во нивните законски права или не, смета Вилијам ЛеоГранде, професор на Американскиот универзитет во Вашингтон.

-Законите сè уште на службените лица им даваат одредени дискрециони права и само времето ќе покаже како тие ќе ја користат, особено во политички случаи, истакна ЛеоГранде.

Неистомислениците и организациите за човекови права предупредуваат дека повеќе од 1.000 граѓани се уапсени по јулските протести, најголемите од антивладините собири на Фидел Кастро и револуцијата во 1959 година.

Тие тврдат дека некои биле приведени без обвинение, комуникација и застапување од адвокати.

Кубанската Влада наведува дека уапсените во јули се виновни за кривичните дела, вклучувајќи ги и нарушување на јавниот ред, отпор при апсење и вандализам.

Законите донесени вчера се очекува да стапат на сила во 2022 година, но правниот аналитичар Виера посочува дека најверојатно нема да бидат ретроактивни.