Лавров разговараше со Рубио за претстојните преговори со Украина

Рускиот министер за надворешни работи Сергеј Лавров разговараше со својот американски колега Марко Рубио за подготовка на „конкретни предлози“ за следната рунда директни разговори со Киев, соопшти руското Министерство за надворешни работи.

Лавров, исто така, разговараше со Рубио за спроведувањето на договорите постигнати меѓу рускиот и американскиот претседател Владимир Путин и Доналд Трамп за време на нивниот телефонски разговор пред една недела, според соопштението на веб-страницата на Министерството.

Лавров претходно изјави дека Русија предложила следните разговори да се одржат во Истанбул в  понеделник.

Украинскиот министер за одбрана Рустем Умеров изјави дека Киев веќе ја доставил својата верзија на мировниот меморандум до руската делегација. Тој ја повика Москва да ја сподели својата верзија на меморандумот без одложување.

„Не сме против понатамошни средби со Русите и чекаме нивен „меморандум“ за средбата да не биде залудна и навистина да не доближи до завршување на војната“, нагласи Умеров, откако руската страна предложи следната средба да се одржи во Истанбул на 2 јуни.

„Руската страна има уште најмалку четири дена пред заминувањето да ни го достави својот документ за анализа“, нагласи тој.