Лажна пријава за бомба пред Влада, лицето е веднаш откриено и приведено

Утринава е приведено лице кое преку телефонски повик пријавило дека при посетата на претседателката на ЕК, фон дер Лајен ќе биде активирана експлозивна направа пред зградата на Владата. Полицијата, утврдила дека пријавата била лажна, известуваат службите на МВР.

„Денеска (28.09.2021) во Скопје полициски службеници го приведоа И.М., кој во 10.32 часот во СВР Скопје телефонски пријавил дека при посетата на претседателката на ЕК Урсула фон дер Лајен ќе биде активирана експлозивна направа пред зградата на Владата. Преземени се потребните мерки и активности и утврдено е дека пријавата е лажна“- се вели во писменото соопштение на МВР.

Лицето било приведено и задржано во полициска станивца по насоки на јавен обвинител, за натамошна постапка.

„Лажната пријава не влијае на посетата на претседателката на ЕК и активностите продолжуваат по планираната агенда“-известуваат од МВР.