Левица поднесе предлог-закон за заштита на името ВМРО
Димитар Апасиев Фото Фејсбук: Апасиев
Пратеничката група на Левица поднесе до Собранието предлог-закон за заштита на името Внатрешна македонска револуционерна организација – ВМРО.
Тоа го потврди пратеникот и лидер на Левица, Димитар Апасиев, кој објави на својот Фејсбук
.
„Конечно, дојде Денот за законска заштита на името ВМРО и забрана разно-разни злосторнички здруженија олицетворени во бизнис-партии да го злоупотребуваат ова име за лично богатење. “ПослушајтеПатриоти” – напиша Апасиев на социјалните мрежи.
Левица во својата изборна програма на ланските парламентарни избори вети законска заштита на името ВМРО и превенирање на негово користење од страна на која било политичка партија, фирма или невладина организација поради, како што се наведува во програмата, неговата емотивна злоупотреба во дневнополитички цели.
