Лидерот на екстремно десничарската „Народна патрола“ е уапсен во пресрет на антиимигрантскиот митинг во Белград

Во Белград е уапсени лидерот на неформалната екстремно десничарска група „Народна патрола“ Дамњан Кнежевиќ под сомнение за расна дискриминација, јави РТС. Тој е уапсен пред антимигрантскиот митинг, што „Народна патрола“ го најави за денеска доцна попладне.

Кнежевиќ е уапсен под сомнение дека јавно повикувал на репресија врз мигранти, како и врз поддржувачите на властите кои живеат во неформална шаторска населба во близина на српскиот парламент во центарот на Белград.

Според белградските медиуми, Кнежевиќ упатил јавни закани во интервју објавено на YouTube дека тој и неговите следбеници на 24 октомври ќе се справат со мигрантите и поддржувачите на владата во шаторската населба.

Приведен е до 48 часа и обвинет за кривично дело расна и друга дискриминација. Дамјан Кнежевиќ го привлече вниманието на јавноста на почетокот на 2020 година, кога почна да организира антимигрантски акции – не само во главниот град на Србија, туку и на места каде што има прифатни центри за бегалци и мигранти.

Кнежевиќ беше дел од група мажи во црно кои, со качулки навлечени преку главите, ги запираа мигрантите и бегалците во Белград.

Претставувајќи се како „Народна патрола“, тие се заканија дека ќе го „забранат своето движење“, со порака дека „ќе имаат проблем“ ако некој нападне „српски жени и мажи“.

Во март 2022 година, додека руската инвазија на Украина добиваше на интензитет, „Народна патрола“ организираше неколку собири во поддршка на Русија и инвазијата на Украина.

Во ноември 2022 година, Дамјан Кнежевиќ се пофали на Телеграм каналот на својата неформална организација со својата посета на центарот на паравоената група „Вагнер“ во Санкт Петербург.

Во февруари 2023 година, полицијата го забрани собирот што „Народна патрола“ планираше да го одржи на првата годишнина од руската инвазија на Украина.

Беше приведен поради обвинение за насилно уривање на уставен поредок, но суд во 2024 година го ослободи.