Лукашенко седми пат избран за претседател на Белорусија, сепак остануваат санкциите од ЕУ

Александар Лукашенко на денешните претседателски избори во Белорусија освои 87,6 отсто од гласовите, покажуваат резултатите од излезните анкети по затворањето на гласачките места.

За да спречи протести како оние во летото 2020 година, Лукашенко, наводно, ги преместил овогодинешните избори од август во зимски јануари. Тој исто така им забрани на сите опозициски кандидати да се кандидираат против него. Европската комисија, како и опозицијата, веќе ги нарече изборите фарса.

Портпаролот на ЕУ за надворешна политика и безбедност Анита Хипер рече: „Ова е вежба која е тотално недемократска. Овие избори се тотална измама. Тоа не се избори ако веќе знаете кој ќе победи“.

Европска Унија соопшти дека остануваат во сила санкциите кон Лукашенко, додека изборите ги оцени како маскарада.