Македонци ќе отворат културен центар „Никола Вапцаров“ во Бугарија

Здружението на Македонци во Бугарија, ОМО Илинден-Пирин ја поддржаа иницијативата да се отвори македонски културен центар во Благоевград, а истиот ќе го носи името „Никола Вапцаров“.

„Инспирирани од најавата на премиерот Димитар Ковачевски, дека ќе се отвори Клуб и Културен центар на Македонците во Благоевград, веднаш започнавме со подготовки за реализација на оваа извонредна намера. Пред неколку недели му пишавме писмо на премиерот и се надеваме дека тој и Владата целосно ќе ја поддржат нашата иницијатива за што поскоро отворање на Центарот“, велат од ОМО Илинден.

Бугарите претходно отворија културен центар во Битола, „Ванчо Михаилов“, но истиот беше запален.