Македонецот кој прими вакцина против ковид-19: Се чувствувам добро и сигурно знаејќи дека вирусот не може да ме зарази и јас никој не можам да заразам

Македонецот Борко Андреевски кој живее во Англија, по три месеци откако ја прими вакцината против ковид-19, своето искуство го сподели во изјава за ТВ Сител.

Тој вели дека немал несакани последици.

– Нема никакви промени во секојдневието или по здравјето. Се чувствувам добро и сигурно знаејќи дека вирусот не може да ме зарази и јас никој не можам да заразам.Тоа е добро чувство. Имаше три земања крв и тестирања, уште едно ќе следи во ноември. На шест месеци, но тоа е за нас бидејќи не тестираа. За сите останати не би требало да има тестови, само вакцината – вели Борко Андреевски во изјава за Сител.

Вакцината се очекува да биде официјализирана кон крајот на 2020 година. Таа ќе биде од фармацевстката куќа AstraZeneca на која работи Универзитетот Оксфорд.