Макрон ќе и се обрати на нацијата поради ситуацијата со Ковид-19

 Францускиот претседател Емануел Макрон вечерва, по подолг период, ќе и се обрати на јавноста, а во својот говор најмногу ќе се фокусира на пандемијата на новиот коронавирус, која ја втурна земјата во најлоша криза од Втората светска војна, соопшти кабинетот на Макрон.

Тој ќе зборува за постепеното отворање на земјата, економските предизвици и добрите и лошите страни на владиното справување со пандемијата.

Макрон ќе се обрати само неколку часа пред Франција да ги отвори своите граници со европските соседи и додека рестораните во Париз очекуваат да дознаат кога ќе можат целосно да почнат со работа.

Францускиот претседател минатата недела наложи да се спроведе внатрешна ревизија во врска со тоа како неговата администрација се справува со вирусот, посебно во споредба со останатите држави, како на пример Германија. Покрај тоа, во тек е парламентарна истрага за тоа прашање.