Максим Димитриевски: Имаме план и визија за развој на Куманово, внимателно го слушаме гласот на граѓаните и работиме заеднички за мое, за твое, за наше Куманово!
Независниот кандидат за градоначалник Максим Димитриевски вечерва одржа средби со жителите од село Пчиња, село Доброшане и населбата Јане Сандански (Бабин дол).
„Имаме план и визија за развој на општина Куманово. За четири години реализиравме голем број на проекти и го подобривме квалитетот на живот. Вечерва, со жителите од село Пчиња, село Доброшане и населбата Јане Сандански (Бабин дол) разговаравме за проектите кои ни се во план на реализација по победата на локалните избори. Внимателно го слушаме гласот на граѓаните и работиме заеднички за мое, за твое и за наше Куманово“, истакна Димитриевски.
