Маричиќ: САД е наш партнер и пријател на патот кој води до членство во ЕУ
САД остануваат наш партнер и пријател на патот кој води до целосно членство на Северна Македонија во Европската унија, напиша на Фејсбук вицепремиерот за европски прашања Бојан Маричиќ по средбата со американскиот сенатор Крис Марфи, на која присуствуваше и премиерот Димитар Ковачевски, во рамки на 58. Минхенска конференција за безбедност, која годинава е посветена на темата „Меѓународната соработка во време на растечки кризи“.
-Низ разговорот Марфи ја потврди поддршката од САД за нашите евроинтеграции и ја поздрави посветеноста на Владата во реализирањето на реформската агенда. Од особена важност е и регионалната соработка помеѓу земјите на Западен Балкан, која се интензивира, особено во полето на диверзификација во енергетскиот сектор, напиша Маричиќ
