Маричиќ во Брисел на средби со Вархеј и Рејндерс

Министерот за правда Бојан Маричиќ од утре ќе претстојува во неколкудневна работна посета на Брисел. Предвидено е да се сретне со еврокомесарот за проширување Оливер Вархеј и еврокомесарот за правда Дидиер Рејндерс. Тема на разговорите, како што соопшти Министерството за правда, ќе биде евроинтеграциите на земјата, реформите во судството и владеењето на правото.

Во Брисел министерот за правда ќе има средби и со вршителот на должноста директор за Западен Балкан во Генералниот директорат за соседство и преговори за проширување на Унијата Михаела Матуела, како и европратениците Тања Фајон и Ирена Јовева од Словенија, Тонино Пицула од Хрватска, Андреас Шудер од Австрија.

Ова е втора работна посета на Маричиќ на Брисел оваа година.