„Марш за слободи“ против екстремната десница во 140 градови во Франција
По една и пол година од здравствената криза „Маршот за слободи“ нуди еден вид голема реакција на политичките и синдикалните активисти, активистите за животна средина и здруженијата од различни сектори.
Тие повикуваат на заеднички марш во речиси 140 градови низ Франција, со цел да се осудат „нападите врз слободите“, што се зголемуваат. Демонстрациите почнаа во 10:30 часот во Монпелје или Нанси, а во 11 часот во Нант и Бордо. Во Париз, по прес-конференција во 12:45 часот, маршот тргна во 14 часот од плоштадот Клиши.
Синдикатите СЖТ, ФСУ, Синдикатот на судиите или студентскиот УНЕФ, Лигата за човекови права, Симаде, Оксфам, Атак, Младита за климата и природната средина на Франција за бранителите на климата; сите левичарски партии или во целина на маршот ќе бидат претставени повеќе од 100 организации.
Според иницијаторите на повикот за марш: пратеникот од непокорна Франција, Ерик Кокерел, и портпаролот на Генерациите, Томас Портес, темата за слободите се наметна самата. Затоа што тие веруваат дека подемот на екстремната десница во земјата, што според нив е исто толку изборен, колку и културен, во моментов е главна тема на гневот за левицата, особено во отсуство, засега, на алтернатива од оваа левата страна на политичкиот спектар, до Марин Ле Пен и Емануел Макрон во поглед на претседателските избори во 2022 година.